discreción

1. s f

   Calidade de discreto.

   Ex: Conteille todo porque confío na súa discreción.

   Antónimos: indiscreción.
2. s f

   Facultade de actuar ou de decidir segundo o propio xuízo.

   Ex: Deixei os últimos detalle á súa discreción.

3. Aplícase ao servizo de transporte colectivo que non fai viaxes regulares e depende dos seus intereses ou da conveniencia dos usuarios.

Frases feitas

• A discreción 1 loc adv Na cantidade que queira cada un, sen poñer límite. SIN: a pracer. Ex: Abriu fogo a discreción. Comeron e beberon a discreción.

• 2 loc adv Sen condicións. OBS: Emprégase, sobre todo, cos verbos entregarse e reducirse. Ex: Preferiu morrer a enderse a discreción.

Refráns

• Boca pechada e ollo aberto non fan xamais desconcerto.
• Cale o que viu e fale o que pediu.
• Escoita e pensa antes de falar, se non queres errar e queres acertar.
• Matalas calando e apalpalas a cegas.
• Matalas calando e tomalas con tento.
• Nin todo o que pensas fales nin todo o que pensas cales.
• Ninguén se meta onde non deba.
• No entender, o primeiro; no falar, o derradeiro.
• Non digas que es pobre a quen rico facerte non pode.
• Non te fagas pobre a quen te non pode facer rico.
• O que sabe unha man que non o saiba a outra.
• Que non saiba a man dereita o que fai a esquerda.
• Tapemos o noso fogo coa nos a cinsa.
• Tres cousas tes que coidar: oír, ver e calar.