electrofisioloxía

Parte da fisioloxía que estudia as propiedades e a actividade eléctrica das células, dos tecidos e dos órganos, e a súa relación coas funcións fisiolóxicas do organismo. Investiga os fenómenos eléctricos da membrana celular, as respostas aos estímulos eléctricos, o efecto do campo eléctrico sobre grupos de células e a actividade eléctrica do corazón, do cerebro, dos músculos e dos nervios.