embaixada

(< provenzal antigoambaissada)

s f
Edificio ou residencia en que desenvolve o exercicio das súas funcións un embaixador.
1. s f [DER]
  Representación diplomática permanente dun Estado noutro estranxeiro. A embaixada goza do privilexio de extraterritorialidade, polo que se considera parte do territorio nacional situada en territorio estranxeiro. Entre os servicios propios da embaixada destacan as misións de axuda e cooperación, misións militares, servicios culturais, de prensa, seccións de cifrado e valixa, e outros servicios especializados (laboral, agrícola, mariño, etc). Á fronte de cada un destes servicios está un axente diplomático especializado que pode recibir diferentes denominacións (agregado, conselleiro, interventor, xefe de misión ou secretario de embaixada).
2. dereito de embaixada
  Dereito que teñen os estados soberanos de enviar representantes diplomáticos aos outros estados e de recibir os que estes envíen.
s f
Cargo de embaixador.
s f
Conxunto formado polo embaixador e as persoas que están baixo as súas ordes.
s f
Mensaxe que se envía por medio dun embaixador.
s f
1. Misión enviada ante un xefe de estado, goberno ou país estranxeiro, para tratar algún asunto de importancia.
2. Misión ou xestión confiada a un particular.

Palabras veciñas