encabalgamento

Acción e efecto de encabalgar.

Recurso literario que consiste en crear un desacordo entre a unidade sintáctica e a unidade métrica, producido cando aquela continúa no verso seguinte ou seguintes. Pola súa extensión, pode ser suave ou abrupto, segundo a unidade de sentido se alongue ata o final do verso seguinte ou se deteña violentamente antes da súa metade; e pola súa estrutura, pode ser léxico (se corta unha palabra), sirremático (se separa un sirrema) ou oracional (se separa o antecedente da oración de relativo).