encartar

1. v t

   Facer que parte dun obxecto flexible quede sobre outra parte, realizando esta operación varias veces.

   Ex: Encartou a camiseta antes de metela no armario. Encartou o billete de lotería e meteuno no peto.

   Sinónimos: dobrar.
2. v t

   Pór en orde unha cousa.

3. v t

   Poñer no orgo do tear a tea que se vai tecendo.

4. v t [DER]

   Condenar un preso que está en situación de rebeldía.

5. v t [DER]

   Citar a comparecer nun xuízo a alguén por medio dun edicto ou dun bando.

6. v t [COMUN]

   Intercalar entre as páxinas dunha publicación, unha ou varias follas, que conteñen, entre outras cousas, avisos ou publicidade.

7. v i [XOGO]

   Botar, nalgúns xogos de baralla, unha carta do mesmo pau máis alta ca a de maior valor xogada.

   Ex: Se lle encartases ós ouros gañabamos a partida.

Frases feitas

• Encartar as terras. Medir o ancho e o longo dun terreo.