endonuclease

Enzimas da clase das hidrolases que catalizan a escisión de forma inespecífica dos ácidos nucleicos mediante a hidrólise dos enlaces fosfodiéster en posicións internas da molécula.

Tipos de endonucleases que recoñecen secuencias específicas de bases do ADN, como posicións de metilación ou secuencias palindrómicas, ás que cortan en lugares ben determinados; esta escisión aféctalles ás dúas cadeas, sexa á altura da mesma parella de bases, sexa deixando libres dúas curtas secuencias complementarias. In vivo, constitúen unha protección da célula fronte á invasión dun DNA alleo. Coñécense un centenar delas diferentes, case todas de orixe microbiana. O nome que reciben depende do organismo do que proceden; por exemplo, EcoRI procede de E. coli,  HindIII procede de H. influenzae, etc. Constitúen unha base operativa fundamental en enxeñería xenética e en biotecnoloxía. O seu descubrimento valeulle o Premio Nobel de Medicina e Fisioloxía a W. Arber, H. O. Smith e D. Nathans en 1978. Tamén reciben o nome de enzimas de restrición.