enfocar

Mover un sistema óptico ao longo do seu eixe para conseguir que a imaxe dun obxecto se forme no punto desexado.

Modificar a distancia entre o obxectivo e a placa ou película sensible, nunha cámara, para obter unha imaxe ben nítida. Nas primeiras cámaras fotográficas colocábase no lugar da placa un vidro esmerilado, sobre o que se formaba a imaxe que, unha vez enfocada, era substituída pola placa. Este procedemento foi desprazado polos dispositivos de visor directo, polo dispositivo réflex ou pola colocación dun dobre obxectivo. Tamén se utiliza o enfoque automático por raios infravermellos, por ultrasóns e por comparación de contrastes.