Ermelindo/Ermelinda

Nome de orixe xermánica, procedente dun Irminlind ou Erminlind ‘escudo do poderoso; escudo do deus Tiwaz’ (composto de irmin ou airmans ‘grande, poderoso’ e lind ou linta ‘tileiro’), xa documentado no s VII. Presenta as variantes gráficas Hermelindo/Hermelinda. Santa Ermelinda de Meldert (s VI) foi unha virxe anacoreta da zona de Brabante (Malinas-Bélxica). A súa festividade celébrase o 29 de outubro.