erro

1. s m

   Concepto, idea ou opinión que non é conforme á verdade ou á realidade.

   Ex: Crer nos estereotipos é un erro moi común.

   Sinónimos: desatino, error. Antónimos: acerto.
2. s m

   Feito ou acción que non se axusta ao que se debe ou é oportuno.

   Ex: Pagaredes moi caro o voso erro. Non tivo erros no exame.

   Sinónimos: desacerto, error. Antónimos: acerto.
3. s m

   Estado da persoa que ten ideas ou crenzas equivocadas ou falsas.

   Ex: Saíu da seita cando se deu conta de que vivía nun erro.

   Sinónimos: error.
4. [MAT]
   1. s m

      Desviación respecto ao valor teórico ou real, orixinada nas medidas ou nos cálculos realizados para a súa estimación. Para reducir os erros, repítese unha medida varias veces. Os valores medidos x i presentan unha dispersión arredor do valor medio, x m , que se toma como mellor valor. Se se debuxa a gráfica das desviacións en función das frecuencias, obtense a curva de campá ou de Gauss, na que a pendente dá idea do erro.

      Sinónimos: error.
   2. erro absoluto

      Diferencia alxébrica entre o resultado da medición experimental dunha magnitude e o seu valor real.

   3. erro accidental

      Erro que se debe ás limitacións naturais dos sentidos do observador, sobre todo da vista e do oído.

   4. erro de mostraxe

      Falta de representación por causa de flutuacións aleatorias ou desviación dos valores presentados por unha mostra en relación co valor total da poboación.

   5. erro relativo

      Cociente entre o erro absoluto e o valor da magnitude medida, expresada en tantos por cento.

   6. erro sistemático

      Erro que procede de imperfeccións nas escalas dos aparatos de medida e que se pode reducir comprobando previamente as calibracións.

5. s m [RELIX]

   Afirmación contraria a unha verdade formalmente non revelada.

   Sinónimos: error.
6. [DER]
   1. s m

      Coñecemento defectuoso ou equivocado da realidade debido á ignorancia.

      Sinónimos: error.
   2. erro de dereito

      Erro no que a ignorancia ou o coñecemento inexacto afecta a unha norma xurídica. Ten as consecuencias que en cada caso especifique a lei.

   3. erro de feito

      Erro no que a ignorancia ou o coñecemento inexacto afectan a un feito, a unha cousa, a unha persoa, etc, que non é unha norma xurídica.

   4. erro de vicio/motivo

      Erro ao que dá lugar a formación dunha vontade defectuosa. Coincide a declaración coa vontade, pero esta víciase e o acto, polo tanto, anúlase.

   5. erro invencible

      Erro non imputable a descoido ou neglixencia.

   6. erro obstativo/na declaración

      Erro que produce unha discrepancia entre a vontade e o que se di ou declara. A vontade non se vicia, pero o acto é nulo.

   7. erro vencible

      Erro imputable ao descoido ou á neglixencia.

7. [FILOS]
   1. s m

      Xuízo explícito ou implícito no que a persoa que o formula se equivoca no obxecto. Pode levar á interpretación incorrecta ou ao uso equivocado de determinadas aseveracións e, inclusive, a contradicir as leis da lóxica.

      Sinónimos: error.
   2. s m

      Acción de equivocarse, de xulgar verdadeiro o que é falso ou á inversa. A súa noción depende, dentro de cada escola, do propio criterio de verdade.

      Sinónimos: error.
   3. erro dos sentidos

      Erro derivado das funcións da percepción.

   4. erro tipo 1/erro alfa

      Equivocación ao rexeitar unha hipótese nula, tomada como falsa, cando é realmente verdadeira.

   5. erro tipo 2/erro beta

      Equivocación ao non rexeitar unha hipótese nula, se esta hipótese nula é realmente falsa.

8. s m [INFORM]

   Problema que xorde mentres se traballa cun ordenador e que impide a continuación do traballo, debido á imposibilidade de executar ou completar as operacións iniciadas.

   Sinónimos: error.
9. s m [FILAT]

   Equivocación ou trastorno na elaboración dun selo. O erro pódese producir na preparación do material de gravado (nas pranchas, cuños, impresoras) ou no deseño, ao incluír incoherencias culturais ou anacronismos.

10. erro gráfico [XEOG]

    Precisión coa que se indica nun mapa topográfico a situación dun punto do terreo representado. O erro gráfico adoita ser duns 0,2 mm.

Refráns

• A meIlbr besta dá coa carga no chan.
• A quen erra, perdóalle unha ves mais non tres.
• Co moito tropezar apréndese a andar.
• De homes é equivocarse; de bestas, amansarse.
• Dun erro nacen douscentos.
• Erran os homes mais non erran os montes.
• Errando, errando, vaise pouco a pouco acertando.
• O erro do médico, a terra o tapa; o do avogado, o diñeiro o sana.
• O erro sempre é igual: non sabendo, responder e, sabendo, contestar.
• O peor do erro é que ás veces un trae un cento.
• O que non coxea, trenquea /trenquelea.
• Quen erra e se enmenda, a Deus se encomenda.
• Quen erra e se enmenda, a non errar se eneomenda.
• Quen non cae, non se ergue.
• Tropezando, ao camiñar, apréndese a non caer.
• Un erro calquera o ten.