escaravellar

1. v t

   Mover a terra de maneira superficial.

   Ex: As galiñas escaravellan no chan para buscar miñocas. Os pícaros escaravellaron no xardín todo canto quixeron.

   Sinónimos: escallar, escarvar.
2. v t

   Andar repetidamente cos dedos ou cun utensilio no interior de algo, especialmente no nariz, nunha ferida ou nos dentes.

   Ex: Pasa horas escaravellando os dentes cun escarvadentes. OBS: Emprégase normalmente seguido da preposición en. Ex: Non escaravelles na ferida que che vai sangrar.

   Sinónimos: escarvar, escavichar, furgar.
3. v t

   Facer buracos.

   Ex: Claudia escaravellou os tenis cos cravos. A chuvia escaravellou todo o camiño.

   Sinónimos: esburacar, esfuracar, furar.
4. v i

   Fedellar nalgunha cousa ou nalgún asunto. Na tradición oral recóllense ditos como: “O moito escaravellar trae ás veces o seu pesar. Escaravellou o galo e atopou o coitelo que ha de matalo”.

   Ex: Escaravellou toda a tarde no ordenador pero non conseguiu amañalo. O policía escaravellou na documentación do caso para saber quén era o asasino.

Frases feitas

• Escaravellar o sentido. Facer un esforzo de memoria.