escómbrido -da

Relativo ou pertencente aos escómbridos.

Peixe da familia dos escómbridos.

Familia de peixes osteíctios, da orde dos perciformes, de corpo alongado, fusiforme, co pedúnculo caudal moi estreito, as dúas aletas dorsais separadas e as pectorais curtas, o fociño afiado e a boca grande, con pequenos dentes. Inclúe un gran número de xéneros e especies repartidos polos mares máis cálidos e mornos de todo o mundo. Son gregarios e forman bancos moi numerosos. Esta familia engloba os alistados, as xardas, o bonito, a albacora e o atún.