esfolar

1. v t

   Sacar a pel a un animal.

   Sinónimos: espelicar.
2. v t

   Arrincar a pel dunha parte do corpo de maneira accidental.

   Ex: Caeu e esfolou os xeonllos.

3. v t

   Quitar a pel ou a casca a algunha froita.

   Sinónimos: espelicar.
4. v t

   Quitar os cartos ou as propiedades a alguén mediante abuso.

   Ex: Meteuse en negocios que non debía e os socios esfolárono.

5. v t

   Criticar a alguén con dureza.

   Ex: Os xornalistas esfolaron o presidente pola nova reforma do desemprego.

6. v pron

   Arrincarse a pel por causa dun accidente.

   Ex: Tropezou coa parede e esfolouse o cóbado.

Frases feitas

• Está o rabo por esfolar. Estar nun asunto ou negocio a parte máis complexa ou difícil sen facer.

• Non matar nin esfolar. Non ter malicia.

• Ter un gato que esfolar con alguén. Ter que solucionar algo con alguén.