esmeralda

Relativo ou pertencente ao pobo esmeralda.

Individuo do pobo esmeralda.

Pobo amerindio da época precolombina que se estendeu pola costa de Ecuador entre o río Esmeralda e a baía de Manta. As investigacións arqueolóxicas descubriron restos de templos, outeiros artificiais e pezas de cerámica de influencia andina e mesoamericana. Entre estas pezas destacan as figuriñas de terra cocida, que representan divindades, e homes e mulleres facéndolles ofrendas aos deuses. Sobresaíron tamén na metalurxia, na que empregaban o ouro, o cobre e unha aliaxe de ambos coñecida como tumbaga.