espiroquetal

Relativo ou pertencente ás espiroquetais.

Bacteria da orde das espiroquetais.

Orde de bacterias unicelulares non fotosintéticas con células extraordinariamente longas, que se enrolan en espiral e alcanzan de 30 a 500 μm. Presentan axostilos e móvense describindo curvas cara a adiante e cara a atrás, pero mantendo sempre a súa estrutura helicoidal. Habitan xeralmente en sedimentos debaixo da auga sucia. Existen bacterias saprófitas e parasitas patóxenas responsables de enfermidades como a sífilis, as infeccións itéricas ou as febres recorrentes. A orde divídese na familia das espiroquetáceas e na familia das leptospiráceas.