estrato

(

[XEOL]
1. s m
  Cada unha das capas ben diferenciadas en que se presentan xeralmente as rochas sedimentarias.
2. estrato tipo
  Sucesión concreta de estratos que serve de patrón para a definición dunha unidade estratigráfica ou dun límite estratigráfico. A localidade que acolle o estrato tipo é a localidade tipo.
s m [ECOL]
Cada unha das capas en que se divide unha biocenose e que presenta características ecolóxicas particulares.
s m [BIOL]
Capa ou conxunto de membranas superpostas dun tecido, dun órgano ou de calquera outra estrutura.
s m [METEOR]
Nube baixa que forma unha capa uniforme dunha extensión horizontal relativamente grande, semellante á néboa, pero sen tocar o chan.
estrato arqueolóxico [ARQUEOL]
Estrato formado pola aparición en disposición horizontal dunha serie de materiais e características que permiten identificar un momento determinado diferente ao anterior ou posterior. A sucesión deles permite testemuñar a existencia dunha secuencia cultural completa.
estrato social [SOCIOL]
Cada un dos grupos ou capas en que se divide a sociedade segundo as diferentes teorías da estratificación social.
estrato vexetal [BOT]
Capa formada polas plantas dun intervalo de altura determinado.

Palabras veciñas