estridulación

Son que se produce ao rozar un animal dúas partes do seu corpo. Esta comunicación acústica ten diferentes funcións dependendo das especies e, xeralmente, serve para lograr a reunión dos dous sexos, no caso dos grilos e saltóns, para facer fuxir os depredadores, como ocorre con algúns coleópteros, ou na comunicación intraespecífica á hora de defender un territorio vital, como acontece cos sons producidos polas mandíbulas dalgunhas larvas xilófagas.