etiqueta

1. s f

   Identificativo incluído en distintos obxectos en que se imprime o nome do produto, as súas características e outras especificacións técnicas que varían segundo o produto en cuestión.

   Ex: Non lle quites a etiqueta ó pantalón por se hai que devolvelo.

2. s f

   Conxunto de maneiras e comportamentos propios dunha ocasión solemne.

   Ex: Na voda os asistentes lucían rigorosa etiqueta.

3. s f

   Sinal de identidade que se lle atribúe a alguén.

   Ex: Atribuíronlle a etiqueta de irascible debido ós seus cambios de humor.

4. [INFORM]
   1. s f

      Conxunto de datos que compoñen unha información na linguaxe HTML. Os navegadores para a Internet interpretan cada unha destas informacións para amosar de xeito intelixible na pantalla o contido dun documento.

   2. s f

      Código inserido nun arquivo ou nunha estrutura de datos que indica cómo debe ser interpretado algo.

   3. etiqueta de rede

      Normas que se recomendan seguir para o comportamento responsable nos distintos ámbitos da Internet, especialmente no correo electrónico e nos chat, de xeito que se evite ofender ou provocarlle problemas a calquera outro usuario.

Frases feitas

• De etiqueta. De gala.