exedra

Parte dun edificio situado, ben no interior, ben no medio dun xardín, e destinado á conversa. Adoitaba a miúdo a forma semicircular e tiña asentos ao seu redor. Nas casas gregas e romanas era unha estancia aberta ao fondo do peristilo. En Roma aplicábase tamén a calquera estancia con asentos que se abría a un pórtico e con columnas. Existían tamén nos teatros e nos templos e podían constituír un edificio illado, formado por unha bancada semicircular cuberta que podía ter a súa porta enmarcada por columnas ou pilastras que sostiñan un frontón.

Bancada semicircular situada ao fondo das basílicas romanas que se adaptou ás paleocristiás. Erixida sobre chanzos, situábase ás beiras da cátedra episcopal e acollía os presbíteros.

Construción aberta de planta semicircular. OBS: A grafía <x> representa o son [ks].