extensómetro

Aparato que se emprega para medir os movementos de extensión que realizan determinados puntos dunha estrutura metálica (carrocería ou bastidor dun vehículo, estrutura dun edificio, etc), sometida a un determinado estado de cargas. Consta dunha serie de anacos dunha cinta adhesiva especial (banda extensométrica) no corpo da cal se integrou, todo ao longo e facendo zigzags, un fío polo que se fai circular corrente continua de baixa intensidade. Ao estirarse unha zona da estrutura, estíranse tamén os fíos e aumenta a súa resistencia, podéndose inferir a magnitude da extensión daquela zona.