extrasístole

Contracción prematura do corazón que se debe á acción dalgún factor sobre o sistema cardíaco de condución que inicia prematuramente un impulso. Pode ocorrer en presenza ou ausencia dunha enfermidade orgánica do corazón. Se se orixina na aurícula denomínase extrasístole auricular, se o fai no ventrículo, extrasístole ventricular, e se se orixina no nódulo aurículo-ventricular, extrasístole nodal. É o tipo de arritmia cardíaca máis frecuente.