E.T., The Extra-Terrestrial

Produción cinematográfica estadounidense realizada en 1982. Foi dirixida por Steven Spielberg e interpretada por Henry Thomas, Drew Barrymore, Dee Wallace e Peter Coyote. É unha historia de amizade entre un rapaz e un extraterrestre que destaca polo tratamento da imaxe e os seus efectos especiais, polos que gañou catro Oscar nas categorías técnicas. No ano 2002, Steven Spielberg estreou de novo a película con algunhas melloras técnicas e un par de escenas inéditas.