Federación Coral Galega

Institución creada en Vigo en 1979 que acadou rango legal en 1983. O seu primeiro presidente foi Vicente Abeijón e uns dos primeiros coros que a constituíron foron Ars Musicae, de Pontevedra, Grupo Coral Os Bardos, de Vigo, e Coro Clásico, de Vigo. Entre as súas actividades destaca a organización de festivais e de cursos de perfeccionamento das técnicas vocais. Así mesmo, editou a revista Galicia Cántat e creou o Arquivo Coral Galego. Posteriormente asumiu a dirección Carlos Orcajo Rial.