federado -da

Pobos que na Antigüidade se ligaban a Roma mediante un tratado de alianza. Existían dous grandes grupos de pobos federados, os de orixe bárbara, que recibían só o dereito de xentes, e os aliados latinos, que gozaban dos dereitos de alianza e hospitalidade, do ius connubii e do ius commercii. Durante o Imperio conservaron unha importante cota de autonomía interna a cambio de proporcionar tropas e pagar tributos aos romanos. Posteriormente, a denominación estendeuse ás forzas mercenarias de orixe bárbara que servían no Imperio Romano. A partir do s IV incluíu os pobos xermánicos que se estableceron dentro dos límites do Imperio segundo os procedementos da hospitalitas e da tertio.

Membros da garda nacional durante a insurrección da Comuna de París de 1871.