Franco-prusiana, Guerra

Conflito armado entre Francia e Prusia que durou desde xullo de 1870 ata maio de 1871. A rivalidade entre os dous estados foi agravada pola temeraria diplomacia francesa e o imperialismo de Bismark. O 19 de xullo de 1870 Francia declarou a guerra. En agosto, o exército prusiano, ao mando de Moltke, derrotou a Napoleón III en Froeschwiller e cercouno en Estrasburgo e Metz. O 1 de setembro o exército francés capitulou trala Batalla de Sedan. O 10 de maio de 1871 o goberno de Thiers asinou a Paz de Frankfurt, pola que Francia perdeu Alsacia e Lorena.