Galicia Química

Boletín editado en Vigo a finais do s XX e subtitulado “Revista del Ilustre Colegio Oficial de Químicos y de la AT de la ANQUE de Galicia”. Dirixida por F. J. Rey Losada, o seu comité de redacción estaba conformado por A. Astray, M. Canitrot, A. García, J. A. Gómez e M. C. Valdés. Ademais de información interna do propio colexio e outra relativa a congresos, cursos e seminarios do sector, incluíu artigos técnicos, referencias a personaxes históricos e bibliografía.