glagolítico -ca

Aplícase ao alfabeto e á escritura eslava anterior á escritura chamada, erroneamente, cirílica. Algúns investigadores fano derivar da minúscula grega, e outros din que é creación orixinaria de san Cirilo. Preséntase en dous estilos diferentes: o búlgaro e o ilírico ou croata. O alfabeto consta de 38 signos. Foi a escritura que se empregou na primeira tradución ao eslavo (s IX) da Biblia e dos libros litúrxicos bizantinos. Substituída, entre os eslavos ortodoxos, pola escritura cirílica, foi conservada polos croatas (de rito latino), que, finalmente, substituíron polos caracteres latinos.

Misa do rito romano pronunciada en eslavo antigo (os textos estaban escritos antigamente en caracteres glagolíticos), propia dos católicos de Croacia.