hemisferio

(

1. s m [XEOG]
  Cada unha das dúas partes da esfera terrestre separadas polo plano ficticio do ecuador: hemisferio norte ou boreal, entre o ecuador e o polo norte, e hemisferio sur ou austral, entre o ecuador e o polo sur. A maior parte das terras emerxidas da superficie da Terra está no hemisferio norte, aproximadamente o 67%.
2. hemisferio celeste [ASTRON]
  Hemisferio da esfera celeste. Os hemisferios definidos polo ecuador celeste son o hemisferio boreal ou setentrional e o hemisferio austral ou meridional; os definidos polo plano paralelo ao do horizonte son o hemisferio superior e o hemisferio inferior; e os definidos por un plano meridiano son o hemisferio oriental ou ascendente, e o hemisferio occidental ou descendente.
s m [MAT]
Cada unha das dúas partes nas que divide unha esfera un plano que pasa polo seu centro.
s m [FISIOL]
Cada unha das dúas metades simétricas do cerebro ou do cerebelo.

Palabras veciñas