HLA, sistema

Sistema de antíxenos de histocompatibilidade detectados na membrana da maioría das células do organismo. Están determinados por máis dunha cincuentena de alelos, xa recoñecidos, situados sobre todo nos loci A e B do sexto cromosoma. O sistema HLA é o máximo responsable da reacción de rexeitamento no caso de transplante de órganos ou tecidos, posto que é moi difícil atopar dous individuos coa mesma combinación antixénica.