hopi

Relativo ou pertencente aos hopi.

Individuo do pobo hopi.

Pobo amerindio pertencente ao grupo dos indios pueblo, que habitan no NL do estado de Arizona. Divididos en clans matriarcais, dedicábanse á agricultura e á gandería. Habitaban en casas de pedra ou adobe, ás veces con varios andares, construídas en ladeiras. A súa artesanía é moi rica, especialmente na cerámica. Os seus rituais e cerimoniais teñen unha gran complexidade.