infalibilidade

Calidade de infalible.

Prerrogativa da Igrexa en virtude da que esta permanece preservada do erro nas materias de fe que o maxisterio xerárquico propón como dogma. A doutrina da infalibilidade foi sistematizada despois da época postapostólica, pois na Idade Media o uso da palabra non era moi preciso. O Concilio Vaticano I preparou un esquema sobre a infalibilidade da Igrexa, aínda que só definiu a do maxisterio pontificio. O Concilio Vaticano II apropiouse das afirmacións do Vaticano I e integrounas na doutrina da colexialidade do episcopado unido ao papa e na da Igrexa como pobo de Deus. Deste xeito, o colexio episcopal e a súa cabeza, o bispo de Roma, son suxeitos capaces de determinar proposicións infalibles.