insistencia

1. s f

   Acción de insistir.

   Ex: A súa insistencia desesperouno.

   Confrontacións: persistencia.
2. s f

   Calidade de quen insiste ou repite algo constantemente.

   Ex: Repetiron as mesmas ideas con insistencia.

   Confrontacións: persistencia.

Refráns

• A pedra é dura e a pingueira miúda mais, caíndo a cotío, fai cavadura.
• Ata sete ¡Tira, Pepe!, de sete para arriba ¡Tira,. Pepe, tira!
• Canto mais retesíes, máis tempo perdes.
• Dos porfiados nacen os avisados.
• Grolo a grolo baléirase o xerro.
• O moito asoprar, o lume acende.
• O moito preguntar chega a enfadar.
• O moito remexer tamén dá que facer.
• O que sabe porfiar algunha vez o ha lograr.
• Onde non pode mete-la cabeza, o diaño mete o rabo.
• Pobre que moito pedicha sempre gaña algún codelo.
• Quen furga e se amaña, ata das pedras saca.
• Tanto dá a auga na pedra, que a pedra creba.
• Tanto pica a pega no trobisco, que creba o pico.