Lías

Primeira serie e idade do Xurásico, comprendida entre o Triásico Superior e o Xurásico Medio. Comprende o Hettanxiano, o Sinemuriano, o Pliensbaquiano e o Toarciano. A partir do Hettanxiano e coas transgresións mariñas depositáronse arxilas e margas ricas en Ammonites e lamelibranquios, especialmente do xénero Posidonia. No xacemento alemán de Holzmaden, do Toarciano, son moi abundantes os itiosauros e peixes, e aparecen por primeira vez os plesiosauros. En canto á fauna terrestre, aparecen pteosauros e os primeiros mamíferos e desenvólvense enormemente os restantes grupos de réptiles.