lisosoma

Orgánulo do citoplasma das células animais e dalgunhas vexetais que acada de 0,2 a 0,8 ì de diámetro e contén fosfatase e outros enzimas hidrolíticos. Están relacionados coa fagocitose, a pinocitose, a destrución de material celular ou a destrución da propia célula. Identificáronse máis de 40 enzimas hidrolíticos, contidos nos lisosomas. A falta dun dos enzimas lisosómicos determina enfermidades conxénitas, denominadas tesaurismose. Nalgúns tipos celulares interveñen tamén no transporte intracitoplasmático e teñen tamén un papel decisivo na autolise celular.