Lobato

Liñaxe que se estableceu en Ribadavia. Entre as numerosas armas cómpre citar en campo de prata, dous lobos de sable manchados de prata, linguados de goles, andantes, colocados en pal, e bordo de goles, cargado de oito aspas de ouro; en campo de goles, tres castelos de ouro ben ordenados, e bordo de prata con sete lobiños da súa cor; en campo de goles, tres castelos de prata ben ordenados e bordo de prata, con sete lobiños da súa cor; en campo e prata, dous lobos de sable, cebados de cordeiriños de goles, e bordo de goles, con oito panelas de ouro; escudo partido: primeira partición, en campo de prata, con dous lobos de prata andantes e postos en pao, bordo de sable, cheo; e segunda partición, en campo de ouro, cunha cruz de veiros de prata e azul.