lobi

Relativo ou pertencente aos lobi ou á súa lingua.

Individuo do pobo lobi.

Pobo de África Occidental que habita en Burkina Faso, Costa de Marfil e Ghana desde finais do s XVIII. Durante o proceso de colonización enfrontáronse á ocupación francesa. Dedicábanse principalmente á agricultura do millo, millo miúdo e sorgo. Complementan a súa economía coa cría de gando vacún. Organízanse en aldeas, cada unha cos seus propios costumes e lideradas por un xefe relixioso.

Lingua da familia gur do phylum níxer--congo que falan os lobis.