Lourenzo/Lourenza

Antropónimo que procede do xentilicio étnico latino Laurentius ‘de Laurentum’, cidade das máis primitivas de Lacio. Descoñécese o seu étimo (prerromano), pero unha etimoloxía popular vinculouno a lauretum ‘bosque de loureiros’. Consérvase tamén como apelido, aínda que a forma galega é minoritaria con respecto á forma Lorenzo. Deste nome deriva o topónimo Lourenzá, a través da forma latina Laurentiana. San Lourenzo (s III), arquidiácono do Papa Sisto II, celébrase o 10 agosto e san Lourenzo de Brindisi, o 21 de xullo.