Maior

Antropónimo feminino que presenta a variante Mor. Probablemente procede da advocación da Virxe da basílica de Santa Maria Maggiore de Roma. Na Baixa Idade Media moitas damas da nobreza galega levaron este nome, como Maior Rodrígues (s XII, esposa de Pedro Froilaz, conde de Traba); Maior Hernández de Gres, Maior Alvares de Soutomaior, Maior de Soutomaior (ss XIV-XV), Maior de Ulloa (s XV, dos Lemos) ou Maior Orraca de Ulloa (s XV, dos Ulloa). Santa María a Maior é titular de dúas parroquias galegas e a súa festividade celébrase o 5 de agosto.