2 malla

(< fr maille)

s f
1. Cada unha das aberturas cadradas ou rómbicas formadas por fíos nunha rede e os elos ou nós que a forman.
  
  Ex: A rede era de malla fina.
2. [PESCA]
  rede.
s f
1. Tecido formado por argolas de metal, arame ou fío entrelazadas.
  
  Ex: O carniceiro puxo un guante de malla metálica.
2. Cada unha das argolas que forman este tecido.
s f [INDUM]
Peza de roupa elaborada cun tecido moi fino e elástico, que se axusta ao corpo e se emprega para bailar, facer deporte ou outras actividades.
[CONSTR]
1. s f
  Conxunto das barras de armadura, presentadas en forma reticulada ortogonal, destinado a ser elemento resistente dunha lousa ou dun elemento bidimensional dunha estrutura de formigón armado.
2. malla electrosoldada
  Malla para a armadura dun elemento de formigón, feita con nós soldados con carga eléctrica.
s f [FÍS]
Paralelepípedo definido pola terna de vectores que determinan a rede cristalina.
s f [TECNOL/FÍS]
Conxunto de ramas dun circuíto ou dunha rede que constitúen un camiño ou un circuíto pechado.
s f [QUÍM]
Tea metálica cadrada, que no centro ten a miúdo unha placa circular de amianto.

Palabras veciñas