mancha

1. s f

   Sinal de sucidade que aparece sobre unha cousa debido á presenza doutra substancia diferente.

2. s f

   Pequena parte nunha superficie que é de diferente cor que a dominante.

3. s f

   Enfermidade da pataca que se caracteriza pola presencia de partes de diferente cor na súa carne.

4. s f

   Deshonra ou motivo de vergonza para unha persoa.

   Sinónimos: mácula.
5. mancha amarela [ANAT]

   mácula lútea.

6. mancha atrófica [PAT]

   Placa abrancazada semellante ás cicatrices que se produce na atrofia da pel.

7. mancha branca [ANAT]

   Eminencia branca grisácea que se atopa, ás veces, na superficie ventricular anterior da válvula mitral.

8. mancha cadavérica [ANAT]

   Cada unha das coloracións difusas, xeralmente líbidas, que se producen na parte en declive do cadáver, por acumulación mecánica do sangue (hipostase).

9. mancha catódica [FÍS]

   Parte luminosa da superficie do cátodo dun tubo de gas con cátodo de arco onde se concentra a emisión electrónica.

10. mancha cribosa [ANAT]

    mácula acústica.

11. mancha de Bitot [ANAT]

    Cada unha das manchas, de forma triangular, brancas e secas, que aparecen na porción da conxuntiva correspondente á fisura palpebral.

12. mancha de Janeway [PAT]

    Cada unha das áreas que se producen na pel, sobre todo nas mans, propias da endocardite infecciosa.

13. mancha iónica [FÍS]

    Mancha escura que aparece na pantalla dos tubos catódicos de desviación magnética, que se produce por un efecto de bombardeo iónico.

14. mancha mongólica [ZOOL]

    Mancha de cor azulada, que se situa na rexión lumbo-sacra, que se observa nos primeiros anos de vida dos individuos de raza amarela e que desaparece coa idade.

15. mancha ocular [ANAT]

    Asociación de células fotosensibles e pigmentadas que forman grupos diferenciados.

16. mancha rosada [PAT]

    Elemento dunha erupción máis ou menos discreta que aparece no abdome e na cara anterior do muslo durante a febre tifoide.

17. mancha solar [ASTRON]

    Cada unha das rexións escuras de contornos irregulares que se observan na fotosfera solar. As manchas son rexións que presentan unha temperatura 1.500 K máis baixa que a das rexións veciñas, e que aparecen escuras por contraste. Presentan normalmente dúas zonas: unha interior, que é máis escura e recibe o nome de sombra, e outra exterior, máis clara, denominada penumbra. O diámetro medio das manchas é de 50.000 km. Comenza normalmente como un poro, o diámetro crece ata conseguir a dimensión máxima e despois redúcese ata desaparecer. Estes fenómenos teñen relación cos campos magnéticos localmente moi intensos. OBS: Tamén se denomina mácula.

18. manchas de Koplik [PAT]

    manchas de Koplik.

Refráns

• A mancha grande non hai xabrón que a lave.
• Non che importe a mancha que sae con auga.
• O golpe da tixola lixa, anque non doia.
• O que unha mora tinxe, outra destinxe.
• Quen con fariña anda, branco se pon.