Mars

Serie de sondas de exploración automática do planeta Marte, lanzada pola antiga URSS. Eran similares ás sondas Mariner de EE UU, e podían enviar un módulo ata a superficie planetaria, aínda que non tiñan tanta capacidade telefotográfica. A Mars 2 e Mars 3 foron lanzadas en 1971 e ningunha das dúas puido transmitir datos útiles. A Mars 4 e a Mars 5, lanzadas en 1973, enviaron imaxes e datos físicos. A Mars 6 e a Mars 7, lanzadas un mes máis tarde, trataron de depositar un equipo experimental sobre a superficie do planeta.