¹ mate

Árbore perennifolia, de pequeno tamaño, que presenta follas elípticas, dentadas e coriáceas, flores de cor verde e froito baciforme de cor vermella. É orixinaria do SL de América do Sur.

Follas secas do mate.

Infusión que se fai coas follas do mate secas, torradas e trituradas ou pulverizadas, que contén mateína, celulosa, azucre, resina, taninos e aceites esenciais. É unha bebida excitante, dixestiva e nutritiva que, concentrada, serve como vomitivo.