Maximiliano

Antropónimo masculino que procede do sobrenome latino, e despois nome, da idade imperial Maximilianus, forma composta á súa vez dos sobrenomes romanos Maximus e Aemilianus (Máximo e Emiliano). Hai quen o considera tamén como o xentilicio de Maximus mediante a disimilación dun Maximinianus. San Maximiliano de Lorch (s III) celébrase o 12 de outubro e san Maximiliano Kolbe (1894-1941) o 14 de agosto.