menta

1. s f [PLANTA]

   Planta herbácea perenne, moi aromática, do xénero Mentha, da familia das lamiáceas, que presenta rizoma reptante, follas ovadas e opostas e flores actinomorfas de cor violácea, rosada ou branca, que están reunidas en verticilos ou en espigas terminais. En Galicia están presentes distintas especies, entre as que destacan M. pulegium, M. aquatica e M. suaveolens.

2. s f

   Esencia ou aroma que se extrae de plantas do xénero Mentha.

3. s f

   Infusión que se prepara con plantas do xénero Mentha.

4. s f

   Licor que se prepara con plantas do xénero Mentha.

Refráns

• Non sei que ten a menta, que nunca mal senta.