mexar

1. v i

   Expulsar os ouriños. Na tradición oral recóllense ditos como: “Cando o home mexa nas botas, non pensa nas mozas. En san Xoán, a mexada dun can. Onde a mula dianteira mexa, mexa toda a recua. Non son homes todos os que mexan contra a parede. Para o carro e mexaranche os bois ”.

   Ex: Mexou antes de deitarse. Aguantei tanto que case mexo por min.

   Sinónimos: ouriñar.
2. v t

   Expulsar cos ouriños calquera outra substancia.

   Ex: Levárono ao hospital porque mexou sangue.

   Sinónimos: ouriñar.
3. v t

   Mollar algo cos ouriños.

   Ex: Esta noite o pequeno mexou a cama.

Frases feitas

• Mexar alto Aspirar a moito.

• Mexar de medo Ter moito medo.

• Mexar por un Humillar a alguén.

• Mexar por un e dicir que chove Non protestar ante unha situación inxusta.

• Mexar fóra do caldeiro Cambiar a outro tema que non vén a conto.