Miranda

Estado do N de Venezuela (7.950 km2; 2.607.160 h [estim 2000]). A capital é Los Teques. Distínguense tres sectores ben diferenciados: ao N a Cordillera de la Costa, no centro o val do Tuy e ao S a Serranía del Interior. A cana de azucre, o cacao, o millo e os froitos tropicais son os produtos agrícolas máis importantes. Posúe industrias alimentarias, téxtiles, de plásticos e de derivados da madeira.