morfosintaxe

Parte da gramática que estuda as regras da estrutura interna dos vocábulos (morfoloxía), así como as regras combinatorias dos sintagmas na frase. O enfoque conxunto do estudo da morfoloxía e a sintaxe fundaméntase na dificultade que presenta a delimitación dos campos das dúas partes tradicionais da gramática, debida especialmente á imprecisión dos límites do concepto de voz. Disto deriva que dentro dun criterio común, máis ou menos formal ou funcional e que caracterizou a lingüística europea e a norteamericana, exista unha tendencia a integrar a morfoloxía e a sintaxe nunha unidade superior morfosintáctica ou sintagmática.