muscicápido -da

Relativo ou pertencente aos muscicápidos.

Ave da familia dos muscicápidos.

Familia de aves, da orde dos paseriformes, de entre 10 e 35 cm que presentan o bico ancho na base, un pouco aplanado, co extremo superior lixeiramente ganchudo e circundado de vibrisas. Son de patas curtas, con dedos febles e a parte anterior dos tarsos escamosa, e teñen 10 rémixes principais e 12 temoneiras. Aliméntanse de insectos que cazan lanzándose ao aire. Habitan en Eurasia, África, Australia, Madagascar, Nova Zelanda, Melanesia e Hawaii.