Museo Catedralicio de Tui

Museo da catedral de Tui, instalado na antiga capela de Santa Catarina, no claustro e na Sala Capitular e fundado en 1976. Considerado o segundo no seu xénero en Galicia, despois do de Santiago de Compostela, acolle obxectos litúrxicos, pezas de ourivaría e arqueoloxía, códices e pergamiños, lápidas e escultura de distintas épocas. Entre as pezas conservadas destaca o Pontifical de Tui, do s XIV, a Virxe co Neno (s XIV), Nosa Señora a Preñada (s XVIII) e o Barco de san Telmo (s XVIII).