Museo Pedagógico Nacional

Organismo dependente da Dirección General de Instrución Pública creado por decreto de 6 de maio de 1882. Concibido como un instituto pedagóxico para a orientación e a formación dos mestres, foi o seu primeiro director Manuel Bartolomé Cossío. Destacou como servizo técnico de intercambio documental e de estudo dos sistemas educativos máis avanzados de Europa. A través das súas publicacións, os profesionais da educación coñeceron as orientacións pedagóxicas internacionais, feito que contribuíu á modernización do sistema educativo.