nacer

1. v i
   1. [BIOL]

      Saír, un feto viable, do claustro materno.

      Ex: Nacín o dezaseis de xaneiro.

   2. [ZOOL]

      Saír do ovo un animal ovíparo.

2. v i

   1. Comezar a saír ou a manifestarse algo.

      Ex: Naceu un novo xornal. O día que os presentei naceu o amor entre eles. Naceu dentro de min unha sospeita.

   2. [BOT]

      Saír unha planta da semente ou da terra.

      Sinónimos: brotar.
   3. [BOT]

      Saír un brote ou unha flor nunha planta.

      Sinónimos: brotar.
   4. [ZOOL]

      Saír pelos ou plumas no corpo dun animal.

      Ex: Aos poliños novos aínda non lles naceron moitas plumas.

   5. [XEOL]

      Saír unha fonte ou unha corrente de auga dun lugar.

      Ex: Entre as rochas nacía auga.

      Sinónimos: brotar.
   6. [ASTRON]

      Aparecer un astro no horizonte.

      Ex: O Sol nace polo leste.

3. v i

   Provir de certa familia, liñaxe ou clase de persoas.

4. v i

   Resultar ou proceder unha cousa doutra. OBS: Adoita ir precedido da preposición de.

   Ex: Todos estes problemas nacen da súa soidade.

5. v i

   Ter unha disposición innata ou estar destinado a algo por condición natural. OBS: Adoita ir precedido da preposición para.

   Ex: Naceu para poeta.

Frases feitas

• Nacer de pé. Ter sorte.

• Nacer en mala hora. Non ter fortuna.

• Nacer o día. Amencer.

• Non nacer onte. Non ser parvo ou inxenuo.

• Volver a nacer. Salvarse dun perigo.